लघुवित्त न्युज । छलिमाया हाङवाङ प्रदेश १ को उत्कृष्ट लघु उद्यमी घोषीत भएकी छन् । उत्कृष्ट लघु उद्यमीको रुपमा उनलाई डा. हरिहरदेव पन्त उत्कृष्ट लघुउद्यमशील पुरस्कार २०७८ बाट सम्मानित गरिएको छ । उहाँले निर्धन उत्थान लघुवित्त वित्तीय संस्थाबाट ऋण लिएर आफ्नो व्यवसाय सञ्चालन गर्दै आउनुभएको छ । छलिमायाले आफ्नो व्यवसायमा परिवारका सदस्यको साथै अन्य व्यक्तिहरुलाई रोजगारी समेत दिँदै आउनुभएको छ । सानो लगानी गरेर आफ्नो व्यवसायिक क्षेत्र फराकिलो बनाउँदै लैजानुभएको छलिमाया अन्य स्थानीय महिलाहरुका लागि प्रेरणासमेत बन्नुभएको छ । प्रदेश नं. १ को ताप्लेजुङ जस्तो विकट जिल्लामा सञ्चालन गरेको उहाँको व्यवसायबाट समयमै ऋणको किस्ता तिर्नेर बाँकी भएको थोरै थोरै रकम जम्मा गरेर जग्गासमेत किनिसक्नुभएको छ ।

को हुन छलिमाया

पूर्वी हिमाली जिल्ला ताप्लेजुङको दुर्गम गाविस हाङपाङमा २०२५ साल असोज ७ मा छलिमायाको जन्म भई ताप्लेजुङ जिल्ला साँवा गाविस वडा नं। ९ स्थायी घर भका मौलहाङ लिम्बूसँग वि।सं। २०४६ फागुन २३ मा विवाह भएको थियो । उनी २०५५ सालमा ताप्लेजुङ जिल्लाको सदरमुकाम फुङलिङमा आइन् । फुङलिङमा केही व्यवसाय गर्ने सोच आएकाले ताप्लेजुङ उद्योग वाणिज्य संघमा वहार अफ सेट प्रेस दर्ता गरी सदस्यता लिइन् । पारिवारिक अवस्था कमजोर रहेको र भर्खर विवाह गरेकाले घर चलाउनलाई समेत गाह्रो भएको थियो । त्यस्तो अवस्थामा उक्त व्यवसायले राहत दिने अपेक्षा उनीमा थियो । त्यसपछि उनले फर्म दर्ता गरी व्यवसाय सञ्चालनका लागि पूँजी जुटाउन गाह्रो भएको अवस्थामा २०७१ साल जेठमा उनी बालमन्दिर। महिला स्वावलम्वी समूहमा आबद्ध भइन् ।

छापाखाला व्यवसाय गर्नका लागि रु ४० हजार कर्जा लिइ १ वटा मेसिन किनी व्यवसायी अगाडि बढाइन् । दोस्रो पटक रु। १ लाख, तेस्रो पटक १ लाख ३० हजार गर्दै हाल पाँचौं पटकको कर्जा रु २ लाख लिई व्यवसाय विस्तार गरेकी छिन् । हाल थप २ वटा मेसिन खरिद गरी राम्ररी घर व्यवहार चलाएर बालबच्चालाई क्याम्पस पढाएर मासिक रु ३० हजार आम्दानी गरिरहेको उनी बताउँछिन् । उनले निर्धनमा कुल रु ६१ ह्जार बचत जम्मा गरेकी छिन् । हालसम्मको किस्ता नियमित रुपमा भुक्तानी गरिरहेकी छन् ।

उनले सञ्चालन गरेको व्यवसायमा २ छोरी र १ छोरासमेतले बिहानमा क्याम्पस पढ्ने र दिउँसाको समयमा पसलमा सघाउने गरेको उनी बताउँछिन् । साथै, उनले उक्त व्यवसायमा पति र अर्का १ जनालाई रोजगारी पनि दिएकी छन् । उनको व्यवसायले छपाइसम्बन्धी किताब, बिल, पत्रपत्रिका, स्टाम्प आदि बनाउने गर्दछिन् । घर खर्च चलाएर बचेको आम्दानीबाट फुङलिङ ६ मा २ रोपनी घडेरी समेत किनेकी छिन् । उनको व्यवसायमा करिब रु ३० लाख लगानी रहेको र व्यवसायलाई अगाडि बढाउन हालको कोभिड–१९ को कारणले केही असहज भएर नोक्सानी भएको तर पनि वैकल्पिक व्यवसायको रुपमा बँगुरपालन र तरकारी खेती व्यवसाय गरेर नियमित रुपमा संस्थाको किस्ता भुक्तानी गर्ने गरेको साथै आउँने दिनमा केही सहज भएपछि पूरानो अवस्थामा आएर गति लिने विश्वास उनको छ । उनको अनुसार साहु महाजनको चर्को ब्याजबाट मुक्त हुन र व्यवसायलाई अगाडि बढाउने छिटो छरितो सेवा प्रदान गर्न निर्धन उत्थान लघुवित्त वित्तीय संस्थाको ठूलो भूमिका रहेको उनी बताउँछिन् ।

आगामी दिनमा अझै २ वटा मेसिन खरिद गरी व्यवसाय वृद्धि गर्ने योजना रहेको उनी बताउँछिन् । उनको सफलताको सहयोगीको रुपमा निर्धन उत्थान लघुवित्त वित्तीय संस्था सधैं भइ रहने मुस्कुराउँदै भन्छिन् । अन्तमा उनले सबै महिला दिदीबहिनीलाई कर्जा लिई सदुपयोग गरी ईमान्दारीका साथ आय आर्जन गर्न सुझाउँछिन्

...
लघुवित्तमैत्री सरकारी नीति आवश्यक छ : जनार्दन देव पन्त (सीईओ निर्धन उत्थान)

जनार्दन देव पन्त निर्धन उत्थान लघुवित्त वित्तीय संस्था लिमिटेडका प्रमुख कार्यकारी अधिकृत (सीईओ) हुनुहुन्छ । यस लघुवित्तले देशभरिका ७ वटै प्रदेशका ७७ वटै जिल्लाहरुमा शाखा सञ्जालमार्फत आफ्नोसेवा प्रदान गर्दै आएको छ । साथै यस लुघवित्तका सीईओ पन्त लघुवित्त कार्यक्रमका साथै नेपाली अर्थतन्त्रको बारेमा पनि विशेष जानकार मानिनुहुन्छ । यसै सन्दर्भमा नेपाली अर्थतन्त्रमा लघुवित्त संस्थाहरुको योगदान […]