लघुवित्त न्युज । बिहीबार दुईवटा कम्पनीको लाभांश सुरक्षित गर्ने अन्तिम दिन रहेको छ। नेरुडे लघुवित्त वित्तीय संस्था र रिलायन्स लाइफ इन्स्योरेन्सले २६ मंसिरमा बुकक्लोज गर्दै छन्। यसअनुसार आजसम्म नेप्सेमा कारोबार गरी कायम भएका सेयरधनीले साधारणसभामा भाग लिन तथा लाभांश प्राप्त गर्न सक्नेछन्।

नेरुडे लघुवित्त वित्तीय संस्था लिमिटेडले गत आर्थिक वर्षको नाफाबाट सेयरधनीलाई दिने २१ दशमलव ४८ प्रतिशत बोनस सेयर र सोको कर प्रयोजनार्थ एक दशमलव १३ प्रतिशत नगद लाभांशको प्रस्ताव पारित गर्न १० पुसमा उद्योग संगठन मोरङ्गको सभाहल, विराटनगरमा १५औँ वार्षिक साधारणसभा आह्वान गरेको छ।

सो सभा बिहान ११ बजे सुरु हुनेछ। सभामा अन्य उपयुक्त वित्तीय संस्थासँग मर्जर अथवा एक्विजिशन सम्बन्धि सम्पूर्ण कार्य गर्न सञ्चालक समितिलाई अख्तियारी प्रदान गर्ने, सञ्चालकको निर्वाचन गर्ने लगायतका एजेण्डा छन्।

रिलायन्स लाइफ इन्स्योरेन्सले ११ पुसमा अनमोल बैंक्वेट, शंखमुलमा चौथो वार्षिक साधारणसभा आह्वान गरेको छ। सो सभा अनलाइन माध्यमबाट बिहान ११ बजे सुरु हुनेछ। सभामा हाल कायम चुक्ता पुँजीको पाँच दशमलव २६ प्रतिशत नगद लाभांश वितरण गर्ने प्रस्ताव पारित हुनेछ। साथै, कम्पनीको नियमावलीमा संशोधन गर्ने, लेखापरीक्षक नियुक्त गर्ने लगायतका प्रस्तावहरु पारित हुनेछ।

Leave a Reply

Your email address will not be published. Required fields are marked *

...
‘डिजिटल कारोबार : बुझ्नेलाई श्रीखण्ड, नबुझ्नेलाई खुर्पाको बिँड’

महाप्रसाद अधिकारी गर्भनर, नेपाल राष्ट्र बैंक हामी अहिले २१ औँ शताब्दीमा छौं । यो समयसम्म आइपुग्दा डिजिटलाईजेशनले धेरै फड्को मारेको छ । सकभर म नोटमा सही गर्न नपरोस् भन्न चाहन्छु । किनकी हामी प्रविधिको प्रयोगबाट क्यासरहित कारोबारमा पुग्नुपर्ने छ । त्यसो भएमात्रै राज्यलाई फाइदा पुग्नेछ । अर्कोतर्फ यसले बैंक, वित्तीय संस्था र स्वयम् ग्राहकलाई नै फाइदा […]